Aurreko ikasturteko asanbladan adostu bezala, marka lanketa berriarekin aritu gara. Seber Altubeko irudia eguneratzea eta oreka eta sintonia lortzea da asmoa.
Horretarako, #GuGaraMarka abiatzea pentsatu dugu: LH eta DBHko ikasleak urtarriletik ikastolako logoaren lanketa burutzen ibili dira. Asmoa, ikasleek elkarlanean landutako logoen artean, komunitateak bozketa bidez aukeratzea litzateke, denona den erabakia denon artean hartuz.
Horretarako, maiatzaren 18tik 27ra ikasleek egindako lanen ERAKUSKETA eta LOGO PROPOSAMENEN BOZKETA burutuko dugu. Badakigu, egungo logoa maite dugun pertsonak gaudela komunitatean. Horregatik, ikasleen proposamenekin batera, egungo logoa ere aukeren artean egongo da aire berritu batekin.
Espero dugu, denon artean aukerarik ederrena hartuko dugula.